Wer hat das Lied “Pange lingua” von The Sixteen komponiert?

Das Lied “Pange lingua” von The Sixteen wurde von Giovanni Pierluigi da Palestrina komponiert.

The Sixteen

Giovanni Pierluigi da Palestrina

Pange lingua gloriosi
Corporis mysterium,
Sanguinisque pretiosi
Quem in mundi pretium,
Fructus ventris generosi,
Rex effudit gentium.

Nobis datus, nobis natus
Ex intacta Virgine,
Et in mundo conversatus,
Sparso verbi semine
Sui moras incolatus
Miro clausit ordine.

In supremae nocte caenae
Recumbens cum fratribus,
Observata lege plene
Cibis in legalibus
Cibum turbae duodenae
Se dat suis manibus.

Verbum caro, panem verum,
Verbo carnem efficit,
Fitque sanguis Christi merum
Et, si sensus deficit,
Ad firmandum cor sincerum
Sola fides sufficit.

Tantum ergo sacramentum
Veneremur cernui
Et antiquum documentum
Novo cedat ritui.
Praestet fides supplementum
Sensuum defectui.

Genitori Genitoque
Laus et iubilatio,
Salus, honor, virtus quoque
Sit et benedictio
Procedenti ab utroque
Compar sit laudatio. Amen.

Wer hat das Lied “Pange lingua” von The Sixteen komponiert?: Das Lied “Pange lingua” von The Sixteen wurde von Giovanni Pierluigi da Palestrina komponiert.