Tröim

Zläbä besteit zwöi drittu us läärlouf
i bi bim lio gsi, dr lio het zbärn gwohnt (plötzlech) mir hei zockt gloub amne mäntig
i ha öppis zässe wöue hole bevors spät isch
aso loufi dür dinne stadt
verbi am ne schiss kepab wo kei gwinn me macht si ir reklame glücklechi mönsche oder sexsklave oder beides weiss nid iz gsehts us wie zneuseeland
i gloub aukland
louf uf me wägli u chume is stogle purzle sone hang abe, bis ganz abe u woni ufprau chani nüt me gseh
u mi nüm bewege
es chöme mönsche wo mi a irgend eh ort häre schleppe
i gspür si wei mer nüt guäts
bi gfesslet uf me stuhl, es bewegt sech a mim fuäs
öppis biiset i mis wadli bis zum chnoche
i wirde hie verrecke ds isch doch zum chotze woni no es letschts mau a dere wäut verzwilfe cha sech mini hang irgendwie soni schäri griffe
woni mi befrei, chani douge wider uf mache
u merke es biud mid scharfe zähn macht a mim fuäs zschaffe
i la mi hie vomne biud doch nid la figge
nime dschäri und stich dri inee
irgendwie ganz okay
chume in ekstase zünd ds ganze huus a und ga hei
vilech ischs nid ir ornig ds so zsäge
i wach uf es isch dr bescht morge i mim läbe I ha tröim