KEEF AGUILK KEEF

كيف اقلك كيف اني فقدت بهيك عمر
كيف اقلك كيف اني بنتميش لهون
كيف اقلك كيف اني بختلق عذر
لهرب من السؤال عن كيف كان اليوم
كيف اقلك كيف اني بفلمي ملكيش دور
كيف اقلك كيف اني عدمي وانتي روح
كيف اقلك كيف انه بفلمي ملكيش دور
كيف اقلك كيف اني عدمي وانتي روح

كيف اقلك كيف اني مش طبيعي
كيف اقلك كيف انه فش نتيجة
شو متحاولي تقربي شو جربتي قبلي
كيف اقلك انك مش حتفهميني
اقلك كيف اني مرضت وبالخفي بقاتل شياطيني
اقلك كيف اني بعدت ومحدش بعرف عني غيري
وسئمت من كل يوم اقوم ونا اكون غير بتذكرش
خلي الليل يدفن الليل احلامي ما بتتفسرش
وانا قلبي كبير غوصي قلبي فيه مش حتلاقي غير تبكيت ضمير
واعذار كثير وترسيب بير لهيك انا منه مبشربش
وانا ماشي وياما تحذرت من النار
الي بلعب انا فيها طول الوقت
انا اسف لحالي وعن كل الي صار
والمشاكل لكثيرة الفيها وقعت
وبتخيل حتى كمل الحلم الكنت اتصحى من نصه
صايم عن الخذلان بس بلليل بتسحر منه
وكيف اقلك كيف اني اوفى من اني اهرب
بس بكونش بعرف كم متعلق انا الا بين ماأترك