Lonely Land (feat. Katie)
Khua ka ruat
A king cang mi inn tthing i mah lawng um hi kei ka huat
Kuak ka dawp chikhat
Hlaan lio caan pawl thlavaikiang ngai in nehbung khirh than ding ah nehbuar kai cang mi ka dairy ka hlat
Ka hmuh tthan
Hawikom rual he len tti caan
Hawng in kuh pah
Buin chawh vah
Meipung kam ah tthu in bia za ruah
Hmai lei caah saduhthah
Mah lio caan ah ho nih rak thei hlah
Kan umnak hi tthennak vawlei si zong rak ruat hlah
Kan nih nih kan rak ruah khawh mi khupthirual he um tti cun vawlei hi vaanram hluan
Zingzaan ruun rep lo inn toi ah biasawng tlorh I nih kheh chih
Aw aan nih inn chak I Nuhmei Nu zupu tiang zong a rak ttheh dih
A hlaan kan khua te
mino kan tam a lumsa e
Chiatni tthatni inn pa chak thlang sahlawh rualchan cingla i zuan hnawh a nuam hrim ve
Cinrung toi fingtlang kip ah choi
Kehthei hrawn tti hawikom rual he
Ruah hin cun lung a faak
An peem taak
Cang mi khuathing kei ka hngak
Kawi le rual hna rak kir tthan ko uh semnak lai lungrawn khua ah
Lopil thlawh te zong in CungKhuazing nih paw a kan cawm ko si
Dollar ngah theng cu bia pi ma I
Rak kir tthan ko semnak lai lungrawn khua ah
Kan tthu hna
Meiphu kulh in zaan ttim
Tiang bia cat lo in
A tu cun kut khiak in
Nithla ka rel
Tontthan lai ni Kong ruat in
Kan rak len tti hna nak fingtlang le
Nelrawn zalam cung in nan rak tlun lai
Ding ni cu ka hngak
Nan kong ruah in zaan khuadei hi fawi lo
Tlawm ti lo pi
Fur khuadawm sin ruah ti nih zun
Tuar mithli an ka hrawm pi
Inn caar lei I hraang mi zilthli
Vawlei kil li I dawtmi hna sin ah zuun ngeih zai hla hun kal pi
Fahniang tel lo in a tlei lo semnak lai khua a ning tti
Zaan khua mawt tang leng le vaal hna duh bia phai in zai hla sak tti ka ngai riang mang,
Tu cun thawng paang a dai
riang a vai
Caan sin ah seino aw aan tlau
Khuangtarit awnh thawng nih lung hna hlau
Dipa thla sin Van a thiang
Arfi rual hna chung tling in hla an sa
Ka hei hmuh chungkhar hawikom zuunngeih in uai mi
Ngun Thlapa
Ka lung a ttha lo
Ka sining thlalang bang ka hei I hmuh ca
Si khawh cun rak ttum ta law lung chung um mi bia za kan I ruah tti hnga
Kan tthu hna
Meiphu kulh in zaan ttim
Tiang bia cat lo in
A tu cun kut khiak in
Nithla ka rel
Tontthan lai ni Kong ruat in
Kan rak len tti hna nak fingtlang le
Nelrawn zalam cung in nan rak tlun lai
Ding ni cu ka hngak