Farbe

I läuf set miner Gebort blend dor die Wält
Han ned gwösst wie Farbe schmöcke, oder wie s Beld us mim Träum
Sech afühlt wennis berüehr
Ond wie sechs afühlt wenni das füehl
Han ned gwösst das mech s Läbe omströhmt,
Mech erföllt ond mis Lächle so schön macht
Wie d Sonne för mech schint ond de Mond för mech strahlt
En wondervolli Zit, du besch de Grond för das alles
Jez besch du do, a miner Site,
Du machsch alles intensiiver, sogar d Ziile woni schribe
Sogar d Loft woni atme het Farbe
Han din Doft i miner Nase, din Chopf i mine Arme
Ond i loh di ned los
Schieb der d Hoor hender s Ohr
Ond köss di, leg din Chopf uf mis Chössi
Chom der nöcher, Gott machsch du söchtig
Mini Fenger tanzed öber dini Hut,
Dini Leppe send uf mine, berüehr dini Bröscht ond din Buch
Dini Bei, dini Ärm, din Nacke, din Rögge
Dini Scholtre, dini Füess, dini Fenger, dini Höfte
I liebe jedes Stöck vo dim Körper
Chom der emmer nöcher, fühle dini Wärmi dini Höörli
Mer verschmelzed, wärded eis, en onändleche Chreis
Doch mer teiled ned nor Körper, nei mer teiled äu de Geischt
Din Verstand esch tüüfer als s Meer
Voller Wälle voller Läbe, log er lüchtet extrem
Chan met der rede öber alles, min Wönsch mini Kämpf
Mini Sönde mini Gheimnis, mini dönkelschte Ängscht
Han i der öpper gfonde wo mech ändlech verstoht
So als hätte mer scho hondert Läbe zäme verbrocht
So als wäre mer mol eis xi
Dorom semmer ois i allem ä so einig
I läuf set miner Gebort blend dor die Wält
Han ned gwösst wie Farbe schmöcke, oder wie s Beld us mim Träum
Sech afühlt wennis berüehr
Ond wie sechs afühlt wenni das füehl
Han ned gwösst das mech s Läbe omströhmt
Mech erföllt ond mis Lächle so schön macht
Wie d Sonne för mech schint ond de Mond för mech strahlt
En wondervolli Zit, du besch de Grond för das alles
Ganz egal was no passiert wer wärde alles öberdure
Denn du xehsch weri ben, ned mini Maske oder Mure
Nei du xehsch min Chärn, mini Existänz
Du zeigschmer dasi läng, du seisch i ha Talänt
Du lesisch mini Texte ond du losisch mini Songs
Fühlsch mini Verletzige, min brochnigi Stolz
Du weisch i han oft ufgeh ond mech phasewis verlore
Doch der gfalled mini Narbe ond mini alte Dämone
Du seisch sie händ mi starch gmacht ond dassd stolz uf mech besch
Ben vo Schlange besse worde, doch mech erholt vo dem Geft
Du seisch du besch trurig aber äu fasziniert vo miner Gschecht
Den i han mis Liecht i mer beschötzt so dass es niemols erlescht
Ond met der chas weder strahle, du besch Nahrig du besch Läbe
Denn du besch so andersch als all wo mer begägne
I ghöre der, du ghörsch mer,
Das wo mer Zwoi grad erläbe esch scho zemlech extrem
I läuf set miner Gebort blend dor die Wält
Han ned gwösst wie Farbe schmöcke, oder wie s Beld us mim Träum
Sech afühlt wennis berüehr
Ond wie sechs afühlt wenni das füehl
Han ned gwösst das mech s Läbe omströhmt
Mech erföllt ond mis Lächle so schön macht
Wie d Sonne för mech schint ond de Mond för mech strahlt
En wondervolli Zit, du besch de Grond för das alles
I läuf set miner Gebort blend dor die Wält
Han ned gwösst wie Farbe schmöcke, oder wie s Beld us mim Träum
Sech afühlt wennis berüehr
Ond wie sechs afühlt wenni das füehl
Han ned gwösst das mech s Läbe omströhmt
Mech erföllt ond mis Lächle so schön macht
Wie d Sonne för mech schint ond de Mond för mech strahlt
En wondervolli Zit, du besch de Grond för das alles