امى
أمى حبيبتى وضى عينيه
قالتلى نصايح غاليه عليه
قالتلى الدنيا خداعه
ولواعه ومليانة قسيه
أبوك سندك ف الحياه
ونجاحك ف الدنيا مناه
وحنية العالم جواه
وف دوامة الحياه مستخبيه
ابوك ماتبعدش أبدآ عنه
دا بيحبك تكون أحسن منه
وف ضهرك مهما كبر سنه
وياريتك تكون زيه ف الجديه
أبوك طول ماهو موجود
غطاه عليك مالوش حدود
وجبل تكون عليه مسنود
وينبوع حب وحنيه
علشان بيشقى ليل ونهار
وبيتحمل الصعب والمرار
وبيحاجى علينا ف الدار
وعنيه علينا ف الرايحه والجايه
أبوك مايعرفش الراحه
طول ما حياتك مش مرتاحه
وبيحب الحق والصراحه
خليك زيه قوى الشخصيه