Al-Asham

مسير الحى يتلاقى
ولو بعدت المسافات
من بعد سنين فراقه * مليانه آهات
والنفس مشتاقه * للقى الأحباب
ولقى الأصحاب * بعد سنين غياب

تلف بينا الأيام * وتلف بينا السنين
تراودنا الأحلام * لحضن حنين
ويسكت الكلام * وف الغربه أنين
وبعد سنين شقى * نتمنى اللقى

حبيبى مستنينى * لما م السفر أعود
قلبى وضى عينى
وغرامه مالوش حدود
رجعت من بعد بعاد
والفرح ف دارنا عاد
ويتجمع شملنا
وأيامنا تبقى كلها أعياد