Gröön en Platania

Jestermorje öm vier woot et gröön en Platania
Su gröön, wie mer't schon sick fünf Johr nitmieh kennt:
Sibbe Hundertschafte un Einsatzkommandos als Schutz für
Kreissäje 'n Container, wodrenn och dä letzte Rest Bäum
Die zwei Kreech övverlääv hann
En Blöck zersaäch, vun he weg dann jebraat
Weil dat letzte Stück Allee, die om Köllee 'ns janz römjing
Weet och noch verhunz, zur Mondlandschaft jemaat

Jestermorje om vier woot et Gröön en Platania
Su gröön, wie mer't schon sick fünf Johr nitmieh kennt
Sibbe Hundertschafte un Einsatzkommandos
Jäje Lück, die trotz Frost en Baumkrone jepennt

Zweiunveezich Daach em käldste Winter sick Johre
Hann he Fraue un Männer un auch Kinder kampiert
Die nit jetz eez jeraft hann: Mer weede bedroore
Von nem Stadtrat, dä em Wärme met "Fakten" jongliert
Da römmschwafelt un schwärmt vun 'nem "Boulevard-Charakter"
"Dringender" U-Bahnerweiterung, Parkhüüser un dämm
Jootweiswer't och noch affnimmp ... un dat es makaber
Wenn'e em Deens vun Konzerne Sachzwäng simuliert

Jestermorje om vier woot et Gröön en Platania
Su gröön, wie mer't schon sick fünf Johr nitmieh kennt
Sibbe Hundertschafte un Einsatzkommandos
Jäje Lück, die trotz Frost en Baumkrone jepennt

Dat eins kloor ess: 't jeet nit nur üm die drückzehn Platane
Die jetz nitmieh do om Kaiser-Wilhelm-Ring stonn
T'jeet och drömm, dat mer merk, wie die uns Zukunft verplane
Die Vokable wie "Wachstum" un "Macht" nur verstonn
Wat dat wohr - vüür fünf Johr - als et schon ens su jröön wood?
V'leich erinnert sich wer: Et Stollwerck wood jeräump'
Noh Versprechunge, die schon jenausu jeloore
Joot ens hin Lück - ich schwöör üch: Ihr denkt dat ihr dräumpt

Jestermorje om vier woot et Gröön en Platania
Su gröön, wie mer't schon sick fünf Johr nitmieh kennt
Sibbe Hundertschafte un Einsatzkommandos
Jäje Lück, die trotz Frost en Baumkrone jepennt