Sleepy Toon

[Verse 1]
It happened at last Whitsun time
That I haed gotten no place
And I gaed up tae Insch fee
Ma fortune for tae chase

[Chorus]
Sing aye rie eritie a rie
And sing aye rie eritie an

[Verse 2]
I met in wi Adam Mitchell
And a fee we did presume
He's a fairmer in Klenethlyn
At a place called Sleepytoon

[Chorus]
Sing aye rie eritie a rie
And sing aye rie eritie an

[Verse 3]
If you and I agree says he
You'll get the fairest play
For I never bid my servants
Work above twelve oors a day

[Chorus]
Sing aye rie eritie a rie
And sing aye rie eritie an

[Verse 4]
If aw be true you'll tell tae me
You think the place'll suit
And I will gang alang wi you
Although you're an ugly brute

[Chorus]
Sing aye rie eritie a rie
And sing aye rie eritie an

[Verse 5]
The order wis tae bed at nine
And never leave the toun
For every time we left it
We'd be fined a half a croun

[Chorus]
Sing aye rie eritie a rie
And sing aye rie eritie an

[Verse 6]
Well, we never heeded what he said
But aye we took the pass
Sometimes tae buy tobacco
And sometimes tae court a lass

[Chorus]
Sing aye rie eritie a rie
And sing aye rie eritie an

[Verse 7]
Well, ma neighbour wis fined a mony's a croun
But never lost the hert
And I masel was fined a croun
For turnin ower the cairt

[Chorus]
Sing aye rie eritie a rie
And sing aye rie eritie an

[Verse 8]
Nou the term has come at last
And we hae all gaed free
We'll gang doun tae Tilford
For tae hae oorselves a spree

[Chorus]
Sing aye rie eritie a rie
And sing aye rie eritie an

[Verse 9]
And when we gang tae Tilford
We'll mak a glass gang roond
We'll tell them o the muses
That we got at Sleepytoon

[Chorus]
Sing aye rie eritie a rie
And sing aye rie eritie an

[Verse 10]
Maybe we'd see auld Mitchell there
Aw suppin at his brose
I'll gie him a len o my hankie
For tae wipe his snottery nose

[Chorus]
Sing aye rie eritie a rie
And sing aye rie eritie an