Dadişǩimi
Çayi ora komoxťu dadişǩimi
Xolo ti şǩa egilasen
Çayi çenḉareri meşonare
Var egaḉopinasen dadişǩimi
Ǩoçiskani salaxa goitoren
İri dulya sǩani xe ʒǯen
Oxori mandre bere-bura
Udodgini içalişam dadişǩimi
Fabriǩape dolipinit dadişǩimi
Megişvelaş megişvelaş ǩoçiskani
İkti ikti iburbali çare var on
Mulun zami egiḉopun şuri
Uba na giğun cenḉareri
İyen pavri dadişǩimi
Eveli ti çkar va žiʒi
Huy ti a gurişa va gažiʒinen
Andğa moxtasen hani çitare
Haşo gişǩurťas dadişǩimi
Arto ṕaten arto ṕaten ar gurite
Mcora sťeri mcora sťeri ar kiana
Mtel derdite golulun ndğalepe
Berepesǩani irden moirden
Nanasǩani Lazuri gisinapu
Si ti beresǩani usinapi
Nenaşǩuni ğurun dadişǩimi
Berepesǩani kodoguri
Nena nena nana on
Nena ğurasi nana ğurun
Memişvelit vosǩedinat nenaşǩuni
Mo ğuras mo ğuras dadişǩimi