Ghar Mein Hi Rehna

Mai uth gayi uth gayi uth gayi hoon..
main aakhein khol wol rahi hoon..
mai bed se utar rahi hoon..
kamre se bahar ja rahi hoon...

Bahar na Jana Hai Ghar mein Hi rehna..

Main Plants ko Good morning kar rahi hoon..
main daanton ko chamkaa rahi hoon..
Chehre pe gaur farmaa rahi hoon...
Hathon ko slo-mo mein dho rahi hoon..

Main breakfast bana rahi hoon..
Mann mein kuch gun gunaa rahi hoon..
Hai kaun sa din soche ja rahi hoon..
Reset button daba rahi hoon...

Bahar na Jana Hai Ghar mein Hi rehna..

khidki se muh bahar nikal ke chidiyon kauwwo se batiyaa rahi hoon..
thandi hawaa khaa rahin hoon..
chai ki chuskii laga rahi hoon..

Main baalon ko sukhaa rahi hoon..
Make up se face saja rahi hoon..
Sakhiyon ko call laga rahi hoon...
Phone pe hi din bitaa rahi hoon...

Bahar na Jana Hai Ghar mein Hi rehna..

Gym nahi to ghar pe kar loongi yoga.
Jhaadoo bhi mera hai ..ab mera hi pochaa..
Maid hai vacation pe to kaahe ka ronaa..
Khana bhi hai banana or bartan bhi dhona...lekin

Bahar na Jana Hai Ghar mein Hi rehna..