April - أبريل
[المقطع الأول]
حسدوا اللقمة لو فيها غصيت
حسدوا الزكمة لو فيها كحيت
عشت بدنيا فيها أعمى لكني ما عميت
ولو أعطيت ذا طيبي أعطى مو لازم رديت
أن فضى البيت وبعتوا أغراضي لا تقولون ياليت
وش تعني ليت بفعل ماضي، عادي سوو Update
ولا عمري سمعت أني في ذيك المرة زين أبليت
وأنا أدري أن طحت ما بيسموا علي، قالوا Fake
مشاعر كذب ولا ريل؟
في الغرفة فيل
So it doesn't matter what I feel
كم سنة فاتت فيها ماتت أنوار الطريق
لا عيدي عيد وبكتب أغنية في نهار أبريل
وش باقي بعدي غير كم صورة لي بس وأنا صغير
لأن معظم وقتي كنت أبكبر في الجوال تصوير
وأمي اللي تبكي أدري حزنها ذا السنة كبير
"وأذكرها تشكي تقولي "يا ابني صور عطني كثير
[اللازمة]
ولا كني كنت هنا ولا كني كنت معاكم
بعيش زي ما أبي، بعيش زي ما أبي
ولا كني كنت هنا ولا كني كنت معاكم
بعيش زي ما أبي، بعيش زي ما أبي
[المقطع الثاني]
أعوذ بالله والله من فقدان الشغف
وأنا أداوي كل ناسي بس فيني ناسي كل ذا التلف
شعور غريب أشوف الياء وعالق لسه في ألف
ليه أرضي العالم وكل العالم ميجا جوا الملف
ما تغير شيء من يوم إسعافي غير اللوك إختلف
وكل ما أنجح أنا بخطوة بيعلى الصوت ذي صدف
وكأن الكوكب علي حكم، أقسم علي حلف
لأن جيت ببقعه أرخص فيها هذا الفن من علف
صوتهم فاضي ما بيوصلني، ذا الصياح شتته
زي منبه وسط ويكند كل ما دق سكته
بتسمع غيرك كل ما قالوا شيء غبي رددته
ذا العمر مرة لو بعيشه، لك عمري ما عشته
هي كل حياتي مو حياتك حلمي طالع فيه
هو شاف خلالي ظن أن حلمه عبري ذا السفيه
بعيش بعقله لين ما أفشل مثله ثم بيصير
فخور بنفسه أن عمري عبره أتدمر ذا الدنيء
[اللازمة]
ولا كني كنت هنا ولا كني كنت معاكم
بعيش زي ما أبي، بعيش زي ما أبي
ولا كني كنت هنا ولا كني كنت معاكم
بعيش زي ما أبي، بعيش زي ما أبي
[الخاتمة]
شفت من الناس ولا بخاطري شيء
صفحة جوا راس، راس مالها طي
عيون على الباب لكن ماني جاي
كثير كانوا قراب لكن no one stayed
وأجي لابس اللي أبيه
وأنا ماشي على فوق راقي سلمي
والسماعة على أذني وبلاكبي فيه
ما حد فوق بس مليون تحت دعستي
بعيش زي ما أبي