Mèsi manman
MÈSI MANMAN
Gwandi an kawtyé difisil
Adan anviwònman ostil
Danjéré kon favélas Brésil
Ou tjenbé ou pa jan lagé
Sav kè a nenpòt ki moman
Timoun a'w Pé plonjé
Chak jou sé on konba
Manman mwen ka di'w chapo ba
Ou réisi tjenbé mwen dan lèdwa chèmen
San janmen bésé lé bwa
Pou mwen ou té pé déplasé montagne
Fè dlo sòti an wòch
Fas a ladvèwsité ou ni on tèl mantal
Pa sav ola'w ka pran fòs, woy manman
Fò'w kè'w sav kè mwen enmé'w onlo
Si mwen fè'w soufè
mwen ka mandé'w padon
Vwè'w souri sé pli bèl kado
Ré mi fa sol la si do
REFRAIN
Mèsi manman pou sa'w fè ban mwen
Pou chak timoman kè'w pran swen dè mwen
Ou té ni pasyans épi kouraj
Pasé nwi blanch épi loraj
Mèsi manman pou sa'w fè ban mwen
COUPLET 2
Mwen paka di'w li souvan
Mè manman mwen enmé'w tèlman
Déklarasyon sousèwman
Mwen ka ridi'w mèsi manman
Pou lanmou pou afèksyon
Sa tèlman fò tèlman puisan
Kè mwen paka twouvé lé mò
REFRAIN
Mèsi manman pou sa'w fè ban mwen
Pou chak timoman kè'w pran swen dè mwen
Ou té ni pasyans épi kouraj
Pasé nwi blanch épi loraj
Mèsi manman pou sa'w fè ban mwen
COUPLET 3
Touléjou manman sé fèt a'w
Pani ayen kè mwen pépa fè ba'w
Ou fè mwen ou ban mwen lavi
Ou pa janmen téka dòmi
Lè mwen téka rantré ta
Ou té toujou Enkyét
Dè sav kè mwen a déwou téka ba'w maltèt
Mété'w adan mové léta
Manman pa fann tenkyèt
Sé sa mwen téka di'w pas mwen paté konèt
Sa'w téka sibi é, sa'w téka sibi
Pa té sav sa'w téka sibi é sa'w téka sipòté
Ou sé on mètamannyòk
On potomitan
On mélanj a kouraj épi dousè manman
Mama
REFRAIN
Mèsi manman pou sa'w fè ban mwen
Pou chak timoman kè'w pran swen dè mwen
Ou té ni pasyans épi kouraj
Pasé nwi blanch épi loraj
Mèsi manman pou sa'w fè ban mwen
Mèsi manman yeah
Èvè ou sav ola mwen soti
An vant a manman