أيام زمان
نفسي أرجع أعيش يوم واحد من أيام زمان
أيام ما كان الواحد دايما حاسس بالأمان
بنعيش اليوم بيومه مش فاهمين غدر الزمان
صفحة أعمالنا لسه بيضا أحباب الرحمان
لسه ما فهمتش معنى الخبث معنى الخيانة
لسه ما فهمتش إن فيه ناس سوسة وجبانة
تطعن فيك من ضهرك وفي وشك تديك إبتسامة
تطعن فيك من ضهرك وفي وشك تديك إبتسامة
حتى الفلوس كانت بالنسبة لي شوية ورق
عشان خاطر الفلوس إنسان قتل إنسان سرق
الناس بقت على الفلوس مسعورة وفي سبق
اللي سبق كال النبأ مثل صدق، صدق
نفسي أرجع أنام على سريري بتاع زمان
أول ما كنت أحط راسي ع المخدة أنام
مش شايل هم شايف كارتون حاسس سلام
دلوقتي النوم بيهرب من التفكير ومن الألام
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
إنسان بوشي متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
إنسان بوشي متشوه لابس ماسك البشوش
كل لما بكبر حجم ذنوبي بيكبر
وأقول مش هذنب وأذنب أكثر وأكثر
كل لما بكبر جزء من وش الدنيا المتشوه يظهر
وأعدائي بتكثر وبتفضل أعدائك تكثر طول ما إنت بتكبر
أقرب ناس إليك هم أشرس أعدائك دي أفجر
وشي زادت خطوطه كشر وقلبي إتحجر
بطلت أحس زي الأول بقى صعب أتأثر
بطلت إني أضحك من قلبي بطلت أعرف أكركر
قيمة معنى الصراحة راحة ما تتحسبش
الناس كل لما بتكبر فوق وشوشها بتلبس وش
عشان الدنيا تمشي كله بينافق ويغش
لو تكره حد وهيفيدك كرهك ليه ما تبينش
وأنا صغير لو كنت أحب حد أحضن وأبوس
ولو كاره لحد وشي بيبدأ في العبوس
فكرة إن اللي جوة غير برة مش في القاموس
كل اللي باين ع المسرح هو اللي فى الكالوس
لسة فاكر لذة أول مرة في كل حاجة
طول ما إنت بتكبر لذتك بتتقتل إعادة
وبتفضل تتقتل وبتتحول من رغبة لعادة
حلاوة طعم الإكتشاف تقلب لقهوة سادة
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
إنسان بوشي متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
إنسان بوشي متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
إنسان بوشي متشوه لابس ماسك البشوش
كان قلبي طيب أبيض ناعم من غير خدوش
إتحول غامق متجرح غريب وما أعرفهوش
ببص في المراية مافهمتش إيه الحكاية
(إنسان بوشي متشوه لابس ماسك البشوش (البشوش
أيام زمان
نفسي أرجع أعيش يوم واحد من أيام زمان