الحاسة السابعة
في يوم قاعد في كوفي شوب بشرب قھوة وسيجارة
سرحت قفلت عيني زرت ذكرياتي زيارة
سرحت في قد إيه الدنيا دي واطية وغدارة
وإن حب الناس تسعين في المية منه تجارة
وده مش كل اللي إفتكرته ده عصارة العصارة
أصل إفتكرت فترة ضعت فيھا وذقت خسارة
على رأي ست كبيرة في حتتنا الدنيا خيارة
إسمع مني الحدوتة دي وإفھم معنى العبارة
شاب زي كثير شباب
طريقه مكسر مش باين له فيه غير الضباب
الإكتئاب صايده وناھشه نھش ديابة وكلاب
قرب يتجنن، ليه دايماً النتيجة سودة ھباب
ده أنا من صغر سني بسعى وباخذ دايماً بالأسباب
كل أما أوصل لحاجة بتبعد زي السراب
تايه في دنيا سودة بيحكمھا قانون الغاب
راس مالي فيھا صحة وأمي وشوية صحاب
حتى الصحاب من الإكتئاب أغلبھم أدمن
تحت التراب مكانھم ﷲ يرحمھم وإتقفل الباب
صعب جدًا إحساس إنك إنت تدي، تدي ومتلاقيش
وتكمل الطريق من غير أمل عليه تعيش
كل يوم زي اللي قبله شغلة شكل وما بتمشيش
إشتغلت كل حاجة كان ناقصني أكون شاويش
لحد ما إشتغلت في نادي فيديو وعشقت السيما
تاريخي عربي أجنبي حديثة أو قديمة
كل المطلوب إنك تعرف تحكي حدوتة
من كان يا مكان لحد كلمة توتة، توتة
فكرة حكي الحدوتة في حد ذاتھا جت شدتني
جراب تاريخ حياتي مليان خبرات فادتني
كل اللي شفته في طفولتي وفي شارعي حتة مني
درست سيما قلت أعبر عنھم بس بفني
أفلامي في المعھد كسبت في مصر وبرة مصر
قلت الحمد لله أخيراً ذقت طعم نصر
وفعلاً أول ما إتخرجت رحت أخرج أول فيلم ليّ
أصغر مخرج في مصر وفي كل الدول العربية
ﷲ، ده شكل الدنيا بتضحك ليّ
ودعت الميكروباص وجبت لنفسي عربية
رحت إشتركت فى جولدز وسيبت أنا نادي الطالبية
ومن ثلات صحاب بقوا ستين سبعين ومية
إضرب كمان في مية وإضرب كمان في مية
آمنت للدنيا وسلمت وقلت مية، مية
ونسيت إن الدنيا دار إبتلاء ودي بلية
خذت الخازوق الصح وخوازيق الدنيا مغرية
نزل فيلمي فشل محدش شافه
أخدت صدمة إديتني الدنيا ضھرها وشلوت وبوكس ولطمة
مولد وإتفض، محدش جوه قلبه رحمة
مش ممكن تعرف مين صاحبك بجد إﻻ في المحنة
رجعت حياتي أسوأ من الأول بعت العربية
والميكروباص أجرته زادت شوية
بمرور الوقت فلوسي طارت طارت وبقيت مديون
ما بقيتش عارف إيه تصنيفي عاقل أو مجنون
وفي يوم تعبت سخنت عرقت في السرير نمت
قال لي الدكتور أوعاك يا إبني تزعل قلت له زعلت
ما أنا أصلي وقعت في كذابين الزفة ومنھم إتعلمت
في ناس تحبك وإنت عالي بس تسيبك لو وقعت
إتأثر الدكتور ساب الشنطة ومسح عينيه
بص في عينيّ تايه مش عارف حيرد بإيه
طبطب عليّ وقال لي فيه مثل قالوه زمان
صاحبك بجد اللي يفديك بنفسه في الطوفان
مش ھو بتاع القعدة الحلوة الضحكة والدخان
ضرب جرس بابي، فتحت لقيت صحاب زمان
صحاب أصيلة جم يزوروا أخوھم العيان
ﷲ لما تحس إن حد ھمه أمرك
بيحبك من قلبه بجد مش مصلحته ھبرك
مش بيضحك لك وھو بيحفر لك في قبرك
مش مھم كثر المعارف صاحب واحد أصلي أبرك
صحابي وقفوا جنبي طلعوني من ليل سرمد
الضربة الجامدة لو ما متش منھا تبقى أجمد
أجمد، أجمد، أجمد