'O Mare Che Puorte 'Ncuorpo
Quanno chello che sta fore nun te da cchiù 'o bene e 'a forza
t'accuorge d' 'o mare che puorte 'ncuorpo
quanta paure annascoste sotto 'e scoglie
saglieno a galla 'e suonne comme tanta stelle 'e mare
rosse comme e curalle 'e passione cchiù cucente
E cchiù vai nfunno e cchiù vai 'n funno(1)
e cchiù t'accuorge che staie dint' a' n'atu munno…
Chine 'e rraggia(2) e pazzaria 'e ricordi cchiù 'nfame(3)
s'arrevotano(4) dinto all'onne comme fanno e piscecane
ca nun se vede à differenza ca ce sta fra notte e ghiuorno
ma si te nfunne dinto a stu mare staie sicuro ca ce tuorne
Ma che ne saie
ma comme faie
si nun 'e visto maie
' o mare che puorte 'ncuorpo
Si guarde abbasce è sempe niro è chella cosa ca si sì vivo
primma o doppo 'o ssaie che arriva
aiza à capa a dinto a l'acqua passa 'o sole
è chella cosa c' 'a gente normalmente chiamma ammore…
Ma che ne saie
ma comme faie
si nun 'e visto maie
' o mare che puorte 'ncuorpo
(1) in fondo
(2) rabbia
(3) infami
(4) si rivoltano