Suddd
Sud, ind'a stu core staje
Si' comm'e 'o sanghe ind'e vvene meje
D'o sud venimmo, 'o sud simmo crisciute
Ce sta chi ha dato ha dato e chi nunn'ha maje avuto
Chello che ammo passato, chello nun ce 'o scurdammo
'O tenimmo a mmente tutte juorne che campammo
Simmo 'e napule, simmo 'e n'atu munno
AddÒ fernesce 'o bene e s' accumencia a scava' 'o funno
Scavalo cchiu' bbuono, scavalo cchiù mmeglio
E po' ccapisci pecche' stammo mmiezo 'e 'mbruoglie
Nord e sud, a llevante e a punente
Chi ce cumanna è sempe stato malamente
Francischiello, Vittorio e Garibbaldi
Avota e ggira hanno 'nguaiato a tutte quanti
S'anno spartute terra, uommene e denare
Rre, possidenti, bbarune e industriali
S'anno spartute terra, uommene e denare
E nuje ammo fatto tutte quanti 'o sanghe amaro
Sudd! m'abbrucia a capa, m'abbrucia a capa
M'abbrucia 'a fronte...
Co' chello che aggio visto mme m'abbrucia 'o fronte
Te voglio fa sape' chi ha costruito stu paese
Te voglio fa sape' chi n'ha pavato 'e spese
Chi e' stato deportato pe quatto sorde 'o mese?
Guaglione siciliani e ccalabbresi
Famme, miseria, schifezze e malatia
Chist'è stato 'o prezzo che ha pavato a terra mia
P'ave' chestu ppoco 'e lusso e civiltà
Machine, palazze, eroina a quantità
Mafia, ndrangheta, sacra corona unita
Chest'è tutto chello che c'hanno lassato
Ddoje facce teneno però nun so' nemici
'O deputato e 'o camorrista ind'o vico
Sì, d'o sud venimmo, 'o sud simmo crisciute
Ce sta chi ha dato ha dato ije nunn'aggio maje avuto
E chello che ammo passato chello nun ce 'o scurdammo
Sudd! m'abbrucia a capa, m'abbrucia a capa
M'abbrucia 'a fronte...
Co' chello che aggio visto mme m'abbrucia 'o fronte
Sudd! Terra ausata, terra spurcata
Rossa 'e sanghe, terra disperata
Ggente mia, ggente generosa
Nun ve arrennite, cagnate tutte cosa
Sud, sud, sud, si nzisti tu resisti
Sud, sud, sud, si nzisti tu resisti
Dico: Sud, sud, sud, nzisti ca resisti!
Sud, sud, sud, nzisti ca resisti!
Sud, ind'a stu core staje
Si' comm'e 'o sanghe ind'e vvene meje
Sud, ind'a stu core staje
Si' comm'e 'o sanghe ind'e vvene meje