Lipad Ng Pangarap [Acoustic]

Taglay mo sa bagwis
Ng 'yong paghayo
Ang pangako ng walang hanggang bukas
Pabaon man sayo'y
Hapdi ng puso
Aabutin ang pangarap
At ang bunga ng wagas mong pagsisikap
Pag-unlad nitong bayang nililiyab
Kapalit ng dalamhati't paghihirap
Pag-angat ng kabuhayang marilag

Liparin mo ang hangganan ng langit
Sa ulap ng pag-asa ay iyong makakamit
Ang tagumpay na bunga ng iyong pagpupunyagi
Pangarap ng inang bayang tinatangi

Pabaon man sayo'y
Hapdi ng puso
Aabutin ang pangarap

Tutularan ka ng sunod na salinlahi
Kapuri-puring pag-aalay ng lakas
Nagpupugay sa makabagong bayani
Ang buong bansa'y nagpapasalamat

Liparin mo ang hangganan ng langit
Sa ulap ng pag-asa ay iyong makakamit
Ang tagumpay na bunga ng iyong pagpupunyagi
Pangarap ng inang bayang tinatangi

Ingatan mo ang lipad ng pangarap
Umaasa sayo ang bayan mong naghihintay
Na kampi mo sa dulo ng lahat ng iyong pagpapagod
Ang tamis na dulot ng iyong tagumpay
Ang tamis na dulot ng iyong tagumpay

Oh ang tamis na dulot ng iyong tagumpay