An Eagle Soared (Pontus) [feat. Ilias Yfantidis]
Αϊτέντς επαραπέτανεν ψηλά σα επουράνια, ούι αμάν αμάν
Ψηλά σα επουράνια, ούι αμάν αμάν, ούι αμάν αμάν
Και τα τσαγκία τ' κόκκινα και το τσαρκούλ' ατ' μαύρον, ούι αμάν αμάν
Και το τσαρκούλ' ατ' μαύρον, ούι αμάν αμάν, ούι αμάν αμάν
Κι εβάστανεν σα κάντζια του παλικαρί' βραχιόναν, ούι αμάν αμάν
Παλικαρί' βραχιόναν, ούι αμάν αμάν, ούι αμάν αμάν
Αϊτέ μ' για δώσ' μ' ας σο κρατείς, για πέει μεν όθεν κείται, ούι αμάν αμάν
Για πέει μεν όθεν κείται, ούι αμάν αμάν, ούι αμάν αμάν
Ας σο κρατώ 'κί δίγω σε, άρ' όθεν κείται λέγω, ούι αμάν αμάν
Άρ' όθεν κείται λέγω, ούι αμάν αμάν, ούι αμάν αμάν
Ακεί σο πέραν το ραχίν, σ' ελάτεα 'πεκεί μέρος, ούι αμάν αμάν
Σ' ελάτεα 'πεκεί μέρος, ούι αμάν αμάν, ούι αμάν αμάν
Τραντέλλεναν εσκότωσαν και κείται ματωμένος, ούι αμάν αμάν
Και κείται ματωμένος, ούι αμάν αμάν, ούι αμάν αμάν
Μαύρα πουλία τρώγν' ατόν και ν-άσπρα τριυλίσκουν, ούι αμάν αμάν
Και ν-άσπρα τριυλίσκουν, ούι αμάν αμάν, ούι αμάν αμάν
Φατέστεν πούλια μ', φάτεστεν, φατέστεν τον καρίπην, ούι αμάν αμάν
Φατέστεν τον καρίπην, ούι αμάν αμάν, ούι αμάν αμάν
Σην θάλασσαν κολυμπετής, σ' ομάλεα πεχλιβάνος, ούι αμάν αμάν
Σ' ομάλεα πεχλιβάνος, ούι αμάν αμάν, ούι αμάν αμάν
Σον πόλεμον Τρισέλλενας, σον πόλεμον Τρισέλλενας
Ρωμαίικον παλικάριν, ούι αμάν αμάν
Ρωμαίικον παλικάριν, ούι αμάν αμάν, ούι αμάν αμάν