Parstyd In Die Boland
Dis parstyd in die Boland, dis wyntyd in die Kaap
Met kromstaan in die wingerd word geswoeg van vroeg tot laat
Ja, parstyd in die Boland het almal aan die gons
Want dis lekker tye hierdie wat elke hart laat bons
Die druiwe word met sleepwa van vroegdag aangery
Die kelders is oorlopens vol, die Boland is meer bly
Met die geur van Steen en Hanepoot wat swaar hang in die lug
Het ek flussies nog vir jou gesê, ek wens dis my kontrei
Dis parstyd in die Boland, dis wyntyd in die Kaap
Met kromstaan in die wingerd word geswoeg van vroeg tot laat
Ja, parstyd in die Boland het almal aan die gons
Want dis lekker tye hierdie wat elke hart laat bons
Vanaand word daar weer wyd gesels in Rawsonville se kroeg
Die manne straf die rooiwyn, daar's nog baie in die boord
Maar Jan Balie skink net hardehout want hy is nou net moeg
Van al die kla daar in Transvaal waar die wyntjiestok nie hoort
Dis parstyd in die Boland, dis wyntyd in die Kaap
Met kromstaan in die wingerd word geswoeg van vroeg tot laat
Ja, parstyd in die Boland het almal aan die gons
Want dis lekker tye hierdie wat elke hart laat bons
Die Griesels en die Stofbergs lag van oor tot oor
Want het hul dan nie weer vanjaar net druiwestok getoor
En so tussen al die spoggery word rugby ook gesels
Al het die Rawsies hierdie jaar hul wedstryde verloor
Dis parstyd in die Boland, dis wyntyd in die Kaap
Met kromstaan in die wingerd word geswoeg van vroeg tot laat
Ja, parstyd in die Boland het almal aan die gons
Want dis lekker tye hierdie wat elke hart laat bons