Durch ding Aure

[Songtext zu „Durch ding Aure“]

[Strophe 1]
Ich luur dich einfach aan
Su klein un doch perfek steihs du do
Noch völlig ohne Sorje
Die Zick, die ras vöran
Wat kümmert dich dat schon? Drissejal
Denks lang noch nit aan morje

[Pre-Refrain]
Et sin die kleine Saache
Jet spille, danze, laache
För dich steck do noch su vill Zauber drin

[Refrain]
Künnt ich eimol noch de Welt
Durch ding Aure sinn

[Strophe 2]
Cowboy un Spion
Jede Daach es för dich
E neues Abenteuer
Das Blömche es ding Kron
Et Jaadehuus dinge Palas
Dä Hungk e Unjeheuеr

[Pre-Refrain]
Ungerm Chressbaum sitze
Kindеraure jlitze
Ich froch mich, wo sin all ming Johr nur hin?

[Refrain]
Ach, künnt ich eimol noch de Welt
Durch ding Aure sinn

[Bridge]
Maach et Finster op, et reich e janz klei Stöck
Mer fleeje zom Mond un sin morje fröh zuröck
Die janze Welt litt dir ze Fööße
Un dä Himmel steiht dir op

[Strophe 3]
De Daach es ald am Engk
De Naach brich aan, kumm zor Rauh
Häs kei Angs em Dunkele
Denn dä Sandmann schengk
Dir ne Draum, löss för dich
Milljone Stääne funkele

[Pre-Refrain]
Mich hät et jot jetroffe
Han mich am Jlöck besoffe
Ich dank dem Herrjott dofür, wat ich ben

[Refrain]
Doch künnt ich eimol noch de Welt
Durch ding Aure sinn