E janz klei Besje

[Songtext zu „E janz klei Besje“]

[Strophe 1]
Dä Aanfang wor einfach, fass wie e Spill
Ne Aurebleck wie ne Blitzschlaach, dä Himmel jeföhlt
Op Wolke jebettet, bedrunke vor Jlöck
De Stääne e Leed jesunge, völlich verröck
De Daache verjinge, un die Liebe bliev do
Mer han uns jezähmt, un e Daach wor e Johr
Un beim eetste Räänschuur han mir nor jelaach
Dä Draum jing wigger, mir sin opjewaach

[Refrain]
Un ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir

[Strophe 2]
De Zick heilt alle Wunde un erstick jede Keim
Us Luss weed Jewohnheit un aus „Jo“ e „Villeich“
Wach lieje un waade, zo feije zom Fliehe
Zo vill Angs, jet ze ändere, sich neu zo verliebe
Immer tapfer jeschwieje, vörbeijelääv
Jeder mäht su sing Levve un fröch av un zu, wie et jeiht
Als mer lang ald jestorve wore, wor et endlich vörbei
Hannelore un Helmut un nit Bonnie un Clyde

[Refrain]
Doch ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir

[Bridge]
Un ich weiß, ich lüch nit, wenn ich dir saach
„Do es jet üvvrich, weil ich dich immer noch maach
Ich hoff, do fings do drusse villeich su jet wie Jlöck
Un wenn du weiß, wo du hinsolls, dann kumm doch einfach zoröck“

[Refrain]
Un ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir
Einfach he bei mir
Einfach he bei mir

[Outro]
E janz klei besje
Vun dir
Bliev he