’E spingule francese

Nu juorno me ne jette da la casa
Jenno vennenno spingule francese
Me chiamma 'na figliola: "Trase, trase
Quanta spingule dai pe' nu turnese?"
Dico io: "Si tu me dai tre o quatto vase
Te dong' tutte 'e spingule francese
Pizzeche e vase nun fanno purtose
E puo' ghienchere 'e spingule 'o paese
E puo' ghienchere 'e spingule 'o paese"

E io che songo nu poco veziuso
Subbeto me 'mmuccaje dint' a 'sta casa
Ah, chi vo' belli spingule francese?
Ah, chi vo' belli spingule, ah, chi vo'?
E io che songo nu poco veziuso
Subbeto me 'mmuccaje dint' a 'sta casa
Ah, chi vo' belli spingule francese?
Ah, chi vo' belli spingule, ah, chi vo'?

Dicette "Core mio, chist' 'o paese
Ca si te prore 'o naso mor' acciso
Dicette "Core mio, chist' 'o paese
Ca si te prore 'o naso mor' acciso
E ij rispunnette "agge pacienza, scusa
'A tengo 'a 'nnammurata e sta 'o paese
E ij rispunnette "agge pacienza, scusa
'A tengo 'a 'nnammurata e sta 'o paese
'A tengo 'a 'nnammurata e sta 'o paese"

E tene 'a faccia comme 'e ffronne 'e rosa
E tene 'a vocca comm' a 'na cerasa
Ah, chi vo' belli spingule francese?
Ah, chi vo' belli spingule, ah, chi vo'?