Handa Awit

Sa wakas nahanap din kita
Ilang taon narin akong paikotikot sa bakurang ito
Nabaligtad ko na ang lahat ng mga bato
Nahawi ko na ang bawat piraso ng damo
Hinalughog ko na ang langit at lupa para sa nawawalang kapiraso ng aking dibdib
Ang buto na kukumpleto sa balangkas ng imahe ng pagibig
Sa panaginip sinundan ko ang mga iniwan mong bakas
At sa pagbukas ng aking mga mata
Sa wakas nahanap din kita
Totoo pala yung mga kwento nila
Naalala ko sabi nila sakin kapag natagpuan mo na daw ang hinahanap mo
At bumaligtad ang iyong sikmura
Nanghina ang mga tuhod mo
Bumilis ng tibok ang puso mo
At hindi mo mapigilan ang nginig sa iyong mga kamay
Nagkakamali ka
Hindi siya ang hinahanap mo
Dahil kapag nahanap mo na daw tinadhana sayo ng kalawakan
Sabi nila kasabay mong matatagpuan ang kapayapaan
Ang lubag ng loob
Ang kalma
Na parang bago pa magtagpo ang ating mga katawan
Matagal na itong plinano ng ating mga kaluluwa
Na minsan hindi tayo magkasya sa isang dibdib
Kaya't pinaghiwalay tayo ng may likha
Para balang araw kapag naikot ko na ng sapat na beses
Ang mga pader sa pagitan nating dalawa
Ang mga ito ay tutumba
At sa wakas kapag humupa na ang sigwa
Matatagpuan din kita
At natagpuan nga kita
Sana hindi ako nagkamali
Dahil minsan na akong naging bala ng tirador
Na hinawakan ng mahigpit
At hinatak papalapit
Para lamang bitiwan at palayain
Iwang lumilipad sa hangin
Hindi ko alam kung saan ako babagsak
Pero dinala ako ng tadhana sa bakurang ito
At naniniwala akong lahat ng bagay ay may dahilan
Dahil naniniwala ako sa kanya
Sa may hawak ng tirador na pumuksa
Ng mga higante sa aking dibdib
Noong mga panahong wala pang lakas ang aking mga bisig
Pero ngayon masasabi kong handa na ako
Handa na akong muling sumugal
Handa na akong muling magmahal
Handa na akong lumabas sa aking bangka
Kahit ilang beses na akong nagtangka at lumubog
At nalunod sa kasinungalingan na ang pag-asa
Ay isang pantasya na binubulag ako sa katotohanan
Alam kong ang katotohanang andito ka ngayon
Sa aking harapan ay hindi ko kagagawan
Pero sa wakas nahanap din kita
Dahil ngayon handa na ako
At ang tanging panalangin na isinisigaw ko sa hangin
Ay sana ikaw rin
Handa ka na ba

Finally, I found you
How many years have I spent going around this yard
I've turned over all the stones
I've gone through every piece of dirt
I've searched through heaven and earth
For that missing piece of my chest
The bone that will complete the outline of the image of love
In my dreams, I followed the traces you left behind
And when I opened my eyes, finally, I've found you

Apparently their stories are true
I remember, they said to me
When you find the one you're looking for
And your stomach flips
Your knees weaken
Your heart beats faster
And you can't stop the shaking in your hands
You are wrong, they're not the one you're looking for
Because once you've found the one that's fated for you by the universe
They say, at the same time you find peace

The calming of my inside, the calm
That feels like before our bodies even found each other
Our souls have planned this for a long time
That sometimes, we can't fit inside one chest
Which is why creation split us up
So that some day, once I've gone around enough times
The walls in between us two
These will fall
And finally, once the storm subsides
I will find you and now I found you

Hopefully I didn't make a mistake
Because I have already been a bullet in a slingshot
That was held very tightly and pulled closer
Just to be let go and set free, left to fly into the wind
I don't know where I'll land
But fate brought me to this yard
And I believe that all things happen for a reason
Because I believe in Him
Who holds the slingshot that destroys the giant in my chest
During those times that my arms did not yet have strength
But now, I can say that now I'm ready

I'm ready to gamble again
I'm ready to love again
I'm ready to get out of my boat
Even though many times I've tried and sunk
And drowned in the lies that hope
Is a fantasy that blinds me from the truth
I know the truth is you being here now
In front of me is not something I've done
But finally I have found you
Because, now I'm ready
And my only prayer that I am yelling into the wind is that hopefully you too
Are you ready too?