Du Versteisch
Du meinsch du versteisch; was weisch vom Allei-sii
Mini Eutere si nid gstorbe, u glych bini es Heim-Ching
Es "guet Nacht" vo Pädagoge, isch wsi meine mit aleini
Die erschti Nacht, aus vrlore, i weiss, du versteisch mi
Weni verzeue vo denn, u mit wäm i so gwohnt ha
U wiener het gstunke ufem Aff, u wiener het gsprützt ufem Sofa
Wiemer üs glych hei verbündet, wüu mer schüsch niemer hei gha
U wie Nasene blüete, we nüt blybt ussert Schlah
U wie mer drfür hei Timeouts kassiert, fasch chly wie zäutle
8 Franke für d'Heilsarmee, füre Räschte lueg säuber
Gäut housch im Speedy - bringsch CD's usem Ex-Libris
Am Paet sini Trickli, geit mit "Plus" usem Migi
Mi luegt zu sine Lüüt; het Eine, hei Aui
U mi schwiigt bi dr Schmiier, lö keine lo hange
Am Rand vo der Gseuschaft - wo meint aues easy
Mir heis ganz allei gschafft - s'isch keis Mami drby-gsy
Aus allei bibracht - niemer het ufpasst
Fick uf apasst - das isch di Knascht
Du hesch Angscht vor Extrem, mir setze üses Läbe
Für di gits nur was'd hesch gseh, du ligsch zimmlech drnäbe
Mir hei kei Familie, mir hei Hunger u mängisch kei Strom
Mir hei d'Cans usem Gigi und üse Name in Chrome
Du meinsch ir Schwyz, kei niemer dürs Raschter
U wenn, denn vrdient, heschs jo säuber müesse schaffe
Ds ni jede glych startet, hei lang nid aui verstange
Im Heim isch Wiehnachte sicher kei Heilige-Aabe
Du füeusch di nid Deheime, ging schiebt öpper e Wäue
Jede isch di Feind, wenn Existänze nüm zeue
We nur no d'Pfänder ud Schmier sech für dii interessiere
Bruuchts mängisch nüm viu um Fründe für immer z'verlüüre
Ging isch öpper uf Kurve, ghörsch wuchelang nüüt
Ufem Spiu steit dis Läbe u du bisch der einzig im Team
I weis was d'wosch säge, aber nei du versteischs nid
Si hei grad d'Delia beärdigt u öpper nöiis zieht scho iih
Am Rand vo der Gseuschaft - wo meint aues easy
Mir heis ganz allei gschafft - s'isch keis Mami drby-gsy
Aus allei bibracht - niemer het ufpasst
Fick uf apasst - das isch di Knascht
Allei sit Tag Eis - widergebore im Heim
Du hesch kei Ahnig wases heist - niene deheim
Nid aui hei Glück gha - es Paaar sogar Päch
Es git Gschichte die si wahr - u du dänksch dr nur ächt
Es Ching vo der Strass, mit Krawatte ir Bank
Blybt ou im Azug nach Maass - es Ching vo der Strass
Respäkt über aus, u dä gits nid uf Kredit
Hesch Fründe vor Strass, hesch se vrdient