Pıçıldaşın, Ləpələr

[Bənd 1]
Pıçıldaşın, pıçıldaşın, ləpələr
Bəlkə mənə bir sözünüz var sizin
Buruq qazıb mənim ömür yoldaşım
Qayıdırmı qucağından dənizin?
Buruq qazıb mənim ömür yoldaşım
Qayıdırmı qucağından dənizin?

[Bənd 2]
Körpəmizi yatırmışam indicə
Beşiyinə Ay nurunu səpələr
Sevgilimdən xəbər verib gizlincə
Pıçıldaşın, pıçıldaşın, ləpələr
Sevgilimdən xəbər verib gizlincə
Pıçıldaşın, pıçıldaşın, ləpələr

[Bənd 3]
Gecə keçir, Ay dolanır üfüqdə
Göy Xəzərin sinəsində meh əsir
Ah, tez olun, darıxıram, ey sular
Müjdə verin, sevən qəlbim tələsir
Ah, tez olun, darıxıram, ey sular
Müjdə verin, sevən qəlbim tələsir

[Bənd 4]
Mavi sular, sevgilimə yol verin
O qayıtsın alnıaçıq, üzüağ
Çünki qızıl Abşeronun oğluna
Bir adətdir zəfərlərlə qayıtmaq
Çünki qızıl Abşeronun oğluna
Bir adətdir zəfərlərlə qayıtmaq

[Bənd 5]
Pıçıldaşın, pıçıldaşın, ləpələr
Bəlkə təzə bir sözünüz var sizin
Buruq qazıb mənim ömür yoldaşım
Qayıdırmı qucağından dənizin?
Buruq qazıb mənim ömür yoldaşım
Qayıdırmı qucağından dənizin?

[Bənd 6]
Körpəmizi yatırmışam indicə
Beşiyinə Ay nurunu səpələr
Sevgilimdən xəbər verib gizlincə
Pıçıldaşın, pıçıldaşın, ləpələr
Sevgilimdən xəbər verib gizlincə
Pıçıldaşın, pıçıldaşın, ləpələr
Pıçıldaşın, pıçıldaşın, ləpələr
Pıçıldaşın, pıçıldaşın, ləpələr