Court Case

Yo, 'member when me roll up inna the court 6, 15 fi my case
Full Versace from the suit, Versace boot, Versace lace
Is like a presidential race, the 'mount a people inna the place
Me see the whole a Waterford and Southside an' Spanish Town, crazy face
Me nuh come a court fi joke like Chevy Chase
(What's the charge?) Dem say me arms up like a military base
Perry Mason a mi lawyer from the United States
Him know the good, him know the bad, is like a two-sided face
Court in session, clark a court say, "In a second judge appearing"
Judge appear and start the hearing, Bible rise, people swearing
"Mr. Palmer," said the judge, "Entertainer come to court too?"
(She say) "What you here today for?"
(Me say) "That me want fi know too"
(She say) "Listen The officer dem charge you fi possession of a weapon
Plus the ammunition, that's another felon
Plus you're wanted in connection with a murder" (wah?)
"You have anything to say before the court goes any further?"
Me jus' say

Me never bring no gun that day, Your Honour
Me never bring no gun that day, jury
Me never bring no gun that day, God know
Me never bring no gun that day
Go fi the police make him testify
Subpoen' the police make him testify
'Cause he's telling all kind a lie
Mi lawyer say dah case yah fi sign a lie

Ay, time fi trial, first witness to the stands
Stephen McGregor, top producer of the reggae songs
"Raise your hands, do you swear to tell the right and not the wrongs?" (Yeah)
"On the day of question tell me everything you plan"
(Him say) "Your Honour when me did a drive go check somebody
When me reach a Barbican, me get pull over by a squaddy
As him see the entertainer, him say, "Who that, a Addi?
Long time me want fi buck him up and deal with you shabby"
Him say, "If a never day me make Madden pick up your body"
And a tell him 'bout him a go make me career end up shabby"
Objection overruled
"After that him rise the shotty
Put it inna the back of the car, go 'pon him radio like a cabby
"Back up Back up Suspect is armed with a shotty"
When me look me see the whole a Barbican and couple Ratty
To the station dem escort we, me reach them say dem a charge me
Me say, "Who fa murder that?"
Him say, "Shut up, and d'even ask me"
Dem say dem a go charge me fi the shotty and the cartridge
Plus couple nine rounds, speci' and some forties
Sitting in the court thinking 'bout Raheim, Jaheim an Shorty
Me jus' jump up an' bawl out, say

Me never bring no gun that day, Your Honour
Me never bring no gun that day, jury
Me never bring no gun that day, God know
Me never bring no gun that day
Go fi the police make him testify
Subpoen' the police make him testify
'Cause he's telling all kind a lie
Mi lawyer say dah case yah fi sign a lie

Yo, next witness, Arresting Officer, Mr. Mcgee, a no police a DC
Want fi sink Addi the Teacha from the Foster G.C
Him want me enterprise fi shut down like a PC
Testimony start, him a tell Your Honour fi him part, say him,
"Approach the suspect, right away him start rant
Right away him get boisterous and cuss up bare claat
When me see the rifle mouth, it skip the beat inna me heart" (bloodclaat)
The judge go gi' me a look wha' make me weak
Diarrhoea like me want fi make a toilet with mi seat
Me say, "Lawyer, how it look?"
Him shake him head and kiss him teeth
And whisper, "If you get no bail, leave town before this week"
The world a crumble, reality start to soak in
Same time Your Honour say, "Court is adjourned until the 14th"
(Wah?) Me fled the scene, pack up mi bag fi go El Paso
Worst me know say me no guilty? Me nah come back yahsuh" cah

Me never bring no gun that day, Your Honour
Me never bring no gun that day, jury
Me never bring no gun that day, God know
Me never bring no gun that day
Go fi the police make him testify
Subpoen' the police make him testify
'Cause he's telling all kind a lie
Mi lawyer say dah case yah fi sign a lie