G’söchta

Gsöchta, mit dein Heislschmäh bist bei mir im Oasch daham!
Glaubst, weust an Mercedes host, kaunst do deppert einedrahn?
Nur weust a Krawattn umhost, bist ka feina Herr!
Glaubst, weust do an Whisky tschecherst, bist auf amoi wer?

Gsöchta, heast du bist so schiach, heast des is a Wahn!
Mit dein Idiotngsicht g'heast ausgstöd auf da Geistabahn!
Glaubst, weust da mi'n Göd um di haust, bist a klaner Sir?
Waun i di amoi uandlich beidl, nocha brauchst as nimmer mehr!

Wos? Goschert wirst? Spü di net bled!
Weu i rauch da ane au, vastehst?
I pick da ane, dass d' di übaschlogst!
I hau da ane in die Papp'n
Dass d' di a hoibs Jahr mi'n Beißn plagst!

Gsöchta, heast mit deiner Wampn schaust aus wiara Sau!
Und dei Schoin vom Kleidabauer ändert überhaupt nix drau
Deppert redn kaunst daham, bei uns do net, vastehst?
Weu sunst hast vo mir a Brade, dass d' nebn den Milano stehst!

Wos? Odrahn wüst? Bist waunsinnig?
Gfüda, heast i klopf da ane
I daschlog di mit an nossn Fetzn
Dass d' da für muagn nix mehr vuanehman brauchst
Du Weh, du Wimmerl, du Kretzn!
Du Weh, du Wimmerl, du Kretzn!
Du Weh, du Wimmerl, du Kretzn!
Du Weh, du Wimmerl, du Kretzn!