نصي التاني
جوايا واحد شرانى
انا متحول ربانى
هتشوفو الوش التانى
يالى انتو سبب فى علاجى ..
م الليله مفيش حنيه
هنسا خلاص الاخويه
طول مانتو بتيجو عليا
انا برضو عليكم هاجى ..
.....................
ابعد يالى بتأذينى
من تانى متجيش ترازينى
ايامك بتخلينى
اندم على وقتى معاك ..
امسح نمرة تليفونى
طيرتك من ايفونى
لونك مش ماشى مع لونى
انسانى زى ما بنساك ..
......................
شغلت فلاشتى الرايقه
ونسيت ولاد المتضايقه
يابنى انتو عيال مش فايقه
وانا لازم اصححلكو ..
مش فاكر ليكم حاجه
مش طالبه ومش محتاجه
منها مش واخدين حاجه
انا هنسي وهكرفلكو ..
........................
من برا ملايكه مشايخ
من جوا شيطانكم بايخ
اجدعكم هيموت دايخ
م اللف و م الدوران ..
معقوله لاغيتو اصولكو
والقله دارت فى عقولكو
عايشينلى فى دور مش دوركو
على ايه عاملين جدعان ..
..........................
ازاى بتقولى انسانى
دانا بعدك اعيش وحدانى
سجلتك نصى التانى
حطيت قفل ومفتاح ..
ماشاء الله عليكى كيوته
فى عنيا اجمل بنوته
بحلم تحكيلى حدوته
وفى حضنك انام وارتاح ..
.......................
شعرك سايح و عاجبني
رمشك جارح غلبنى
مجنون انا قلبى جايبني
انا لازم احل معاكى ..
ياكريزه واقعه فى تورتايا
عايزك فى حوار نصايه
لو دار حكايات برايا
بدماغك بقا وهواكى ..
.....................
اصحابى بيحبو كاشاتى
مكنوش ع الدوغرى اخواتى
بس انا صفيت حساباتى
بطلت خلاص اشكالهم ..
جيبى يزود فى فلوسو
يجرو عليا و بيبوسو
بديهم ضهرى يدوسو
م الليله قطعت سؤالهم ..
........................
احساسكم مش احساسى
انا عمرى ما بعت فى ناسى
الغدر دا فيكو اساسى
وبيجرى فى دمكو ..
كلكو خاينين من يومكو
لأ مش سالكين لهدومكو
مش هعاتبكم ولا الومكو
انا هبعد عنكو