Icarus
Berge gemaak vir mis en sneeu en kranse
Vir die wind se wilde danse
En vir klim
Bome gemaak vir stamme en vir blare
Vir geduld en as 'n hawe
Vir 'n kind so ver daarbo
Icarus, te naby aan die son
Jy het gedink jy kon
En verloor jou trotse vlerke
Icarus, onvolmaak en stom
Moet ek en jy van onder af op ander vleuels
Eindelik bo kom
Wolke gemaak vir reën en hoop en skadu
Vir koelte wat niks vra nie
Net om op te kyk
Sterre gemaak vir maan en vir planete
Vir lig en vir komete
In die nag so ver daarbo
Icarus, te naby aan die son
Jy het gedink jy kon
En verloor jou trotse vlerke
Icarus, onvolmaak en stom
Moet ek en jy van onder af op ander vleuels
Eindelik bo
Icarus, te naby aan die son
Ons het gedink ons kon
En smelt ons trotse vlerke
Icarus, op die heup geslaan en krom
Moet ek en jy van onder af op ander vleuels
Eindelik tuis kom