Jakaranda Jy
Jakaranda jy is die lewens kleur
Wat graniet omskep tot iets veel meer
Jakaranda jy bring die heuning geur
Die soetste asem by my hart se deur
Jakaranda jy
Jakaranda jy
Jakaranda jy
Dagbreek drome veraf tye
Wasig lê my stad en wag
Stadig sukkel druppel druppel
Son en mense vir die dag
Werk stad leef stad swaarkry seer stad
Hier en daar iemand wat lag
Tyd bly voorbly waar’s die heel bly?
Son en mense vir die dag
Jakaranda jy is die lewens kleur
Wat graniet omskep tot iets veel meer
Jakaranda jy bring die heuning geur
Die soetste asem by my hart se deur
Jakaranda jy
Jakaranda jy
Jakaranda jy
Skemer wegsak leegword regpak
Vensters ligte wat vertel
Straatkaats kleure reën se vrede
Mense dwarrel deur die nag
Waar’s die rede menswees soek gees?
Vind lê baie diep versteek
Hier’s ons daar’s jy leef ons leef jy?
Ons die mense wat jou vang
Wie’s ons waar’s jy altyd daar’s jy
Beloftes van die kleur wat kom
Jakaranda jy is die lewens kleur
Wat graniet omskep tot iets veel meer
Jakaranda jy bring die heuning geur
Die soetste asem by my hart se deur
Jakaranda jy
Jakaranda jy
Jakaranda jy