Et Spanien-Leed

Spanien?

Jedes Johr em Sommer
Jeit dat Spillche widder loss
Met Sack un Pack noh Spanien
Weil et do jo nit vill koss
Mir fleje dann me'm Neckermann
Vun Wahn noh Benidorm
Do weede mer schön brung
Un sin su richtich jroß en Form

Nä,  nä,  Marie, es dat he schön
Üvverall nur kölsche Tön
Nä, he süht et wirklich us wie bei uns zohus
He fählt nur vum Balkon
Die Aussich op d'r Dom!

Am eetste Ovend weed direk e Babekju jemaaht
Et weed jejrillt, die Wööschjer
Han m'r selver metjebraaht
Mer drinke Cuba libre un Sangria
Bis zum Schluß
Als echte Kölsche föhlt m'r sich
Doch üwerall zohus

Nä, nä, Marie, es dat he schön
Üvverall nur kölsche Tön
Nä, he süht et wirklich us wie bei uns zohus
He fählt nur vum Balkon
Die Aussich op d'r Dom! La la la lalalala
La la la lalalala

Am nächste Morje triff mer sich
Öm zehn Uhr dann am Strand
En Zeidung us d'r Heimat
Un et Radio em Sand
Em zwölf Uhr jitt et Meddach
Em Hotel es wärm jekoch'
Ähzezupp met Hämche jitt et
Eimol en d'r Woch

Nä, nä, Marie, es dat he schön
Üvverall nur kölsche Tön
Nä, he süht et wirklich us wie bei uns zohus
He fählt nur vum Balkon
Die Aussich op d'r Dom! La la la lalalala
La la la lalalala

Nohmeddachs öm zwei
Do maache mir dann ehsch en Tour
Met achzich Mann em Bus
Un dat för paar Pesete nur
Drei Stunde durch de Stadt
Do kriste wirklich vill ze sinn
Un Eines, dat es jetz schon klor
He fleje m'r widder hin

Nä, nä, Marie, es dat he schön
Üvverall nur kölsche Tön
Nä, he süht et wirklich us wie bei uns zohus
He fählt nur vum Balkon
Die Aussich op d'r Dom! La la la lalalala
La la la lalalala ole!