Kaffebud

Dienstachs, Mettwochs
Donnersdachs, Friedachs morjens halver zehn
Do kommen se vun d'r Baustell anjerannt
Schreiner, Pützer, Mürer
Un de Büggele vun d'r Poss
Un sujar da decke Schupo vun d'r Eck

Un dann ston se en d'r Kaffeebud
Un schödden sich dä Kaffee en d'r Kopp
Jeder lis en singer Zeidung röm
Jeder deut sich noch e Brütche ren
Op eimol weed de Schnüss jeschwat
Dä Pützer hät zo vill jesat
Do han se jlich dä jrößte Zoff - Hurra

Do Jipsjeseech, do Weihnachtsmann
Do wells Ahnung vun Fossball han
Sät do dä Blöh un laach sich half kapott
Do schalt' sich och dä Mürer en meint:
"Hau dem Käl doch eine ren!"
Un klopp däm Blöh sing Zeidung op d'r Kopp

Un su ston se en d'r Kaffeebud
Un schödden sich dä Kaffee en d'r Kopp
Jeder lis en singer Zeidung röm
Jeder deut sich noch e Brütche ren
Op eimol es d'r Düvel loss
Un och dä Büggel vun d'r Poss
Dä misch sich jetz met en un schreit - Hurra

Dä Pützer jo dä es nit domm
Un beech dem Blöh dä Löffel kromm
Un schödd im dann dä Kaffee en de Mötz
Dä Mürer deit jet Milch dobei
Un kritt jetz för die Schweinerei
Vum Possmann Zucker hinger de Brell jespretz

Die Kaffeemam bröllt:
"Jetz es Schluß, maat ühr Sauerei zo Hus"
Un brängk dem Blöh ne Lappe för sing Mötz
Die Junge luren sich koot an
Un jewen sich su langsam dran
Bes alles widder blängk un sauber bletz

Un su ston se en d'r Kaffeebud
Un kloppen sich dä Kaffee en d'r Kopp
Bes se sich dann endlich einig sin
Jeder drieht sich noch e Brütche ren
Die Fröhstöckspaus es jlich am Eng
Die Junge jewen sich de Häng
"Dann maat et jot bes morje halver zehn!"

Kaffebud